Rəsmi üzv olan hər bir üzv klub tərəfindən təklif olunan bir çox üstünlüklərdən yararlanacaq, həmçinin biz də fan-klub rəhbərliyi olaraq rəsmi üzvlərimiz üçün bir çox üstünlüklər, güzəştlər, əməkdaşlıq etdiyimiz tərəflərin güzəştli təkliflərini təşkil edəcəyik.

Sizin edəcəyiniz yalnız bir şey var: aşağıdakı təlimatı oxumaq, addım-addım yerinə yetirmək və qeydiyyatdan keçmək.

http://myaccount.fcbarcelona.com saytında qeydiyyatdan keçirsiniz. Daha sonra eyni brauzerdə http://fcbarcelona.com saytında giriş edirsiniz.

http://myaccount.fcbarcelona.com saytına daxil olub “Penyista Area”, “Continue” edib irəliləyirsiniz. Qarşınıza çıxan xanaları (klub üzvü (club member) olub-olmadığınız, ad, soyad, e-poçt, şəxsiyyətinizi təsdiq edən sənədin (ŞTES) növü (şəxsiyyət vəsiqəsi, pasport və s.), ŞTES seriya nömrəsi, ŞTES son istifadə tarixi, cinsiniz, doğum tarixiniz, ünsiyyət dili) doldurursunuz.
Daha sonra ŞTES-in fotosu əlavə edirsiniz. Açılan növbəti səhifədə ünvan məlumatlarınızı daxil edirsiniz. Xahiş olunur ki, ünvanınızı tam düzgün yazasınız, çünki ünvanınıza plastik üzvlük kartı göndəriləcək. Bundan sonra üzvü olduğunuz kollektiv növünü seçirsiniz (əgər heç birinə üzv deyilsinizsə, sonuncu xananı işarələyin). Sevimli idman növünüzü seçib irəliləyirsiniz.

Açılan səhifədə “Continue” etdikdən sonra qarşısında “Add Penya” qutusu açılacaq. Həmin qutuya keçid etdikdə “Penya Barcelonista Baku”nu tanıtmaq üçün şəhər xanasına "Baku" yazmağınız kifayətdir. Həmçinin, "Credential" bölməsində "2282" də yazıb fan-klubumuzu tapa bilərsiniz. Penya Barcelonista Baku yazısını gördüyünüzdə həmin səhifəyə keçid edin.

Və nəhayət, açılan səhifədə mərkəz-aşağıda “Join” edərək “Penya Barcelonista Baku”ya rəsmi üzvlüyünüzü təsdiqlətmək üçün sorğu göndərmiş olacaqsınız.

Biz sizin sorğunuzu sistemdə qəbul edəcəyik və detallarınızı yoxladıqdan sonra təsdiq edəcəyik. Təsdiq edildikdən sonra siz bu haqda məlumat alacaqsınız, həmçinin digital üzvlük kartınıza və tezliklə plastik kartınıza sahib olacaqsınız .

Proses ödənişsizdir.